Formas parte dos grupos de interese de DKV Seguros?
Pois podes axudarnos a conseguir un mundo máis inclusivo!!
En DOWN GALICIA necesitamos o teu apoio para o noso proxecto Emprego con Apoio: talento profesional de persoas con síndrome de Down e/ou discapacidade intelectual presentado á convocatoria ?Ti decides? de DKV Seguros.
Este proxecto ten como finalidade facilitar a incorporación das persoas con discapacidade intelectual no mercado de traballo ordinario, garantindo para iso todos os apoios que tanto a persoa, a familia e empleador necesiten.
Para iso, aplícase a metodoloxía do emprego con apoio, un sistema estruturado e sistemático de adestramento no posto de traballo, que permite á persoa con discapacidade adquirir as destrezas, habilidades e coñecementos que o seu posto de traballo demanda mediante a provisión de apoios necesarios, dentro e fóra do lugar de traballo.
Para conseguir o noso obxectivo e que DKV financie o noso proxecto, necesitamos ser o proxecto máis votado da nosa categoría.
Se desexas apoiarnos indicámosche os pasos para votar:
1º paso: clicar no link
http://tudecides.dkvseguros.com/principal.aspx
2º paso: escribir Down Galicia no buscador que aparece no cadro superior ou buscala no despregable da dereita e darlle ao botón BUSCAR
3º paso: picar no botón VOTAR (de cor verde) que aparece baixo o proxecto de Down Coruña (aparecerá na parte inferior dereita da páxina)
4º paso: encher o formulario de votación e darlle ao botón VOTAR na parte final do mesmo
Na selección dos gañadores da categoría na que nos presentamos unicamente poderán participar persoas incluídas entre os grupos de interese de DKV Seguros (clientes, empregados, mediadores, profesionais sanitarios e provedores).
Ademais, se consideras de interese difundir a nosa iniciativa entre os teus contactos, estaremos moi agradecidos.
O prazo para votar pecharase o próximo 31 de maio de 2017.
Moitas grazas!!
