Down Galicia concéntrase polo triplo crime de Valga e reclama traballar desde a educación para frear a violencia machista
A Deputación da Coruña colaborou un ano máis con Down Galicia e as súas entidades membro nesa provincia, cunha achega económica de 17.500€ para o proxecto “Emprego con Apoio de persoas coa síndrome de Down e/ou discapacidade intelectual na provincia da Coruña”.
Grazas a esta axuda, puideron desenvolverse diversas actuacións no ámbito da inserción laboral na empresa ordinaria que beneficiaron a un total de 82 mozos e mozas con síndrome de Down e outras discapacidades intelectuais. A totalidade destas persoas forman parte da bolsa de emprego do servizo de Emprego con Apoio das entidades membro de Down Galicia da provincia da Coruña.
En virtude desta colaboración, durante o período no que se desenvolveu este proxecto, asináronse 25 convenios de prácticas e 19 contratos de traballo, dos que a gran maioría foron a xornada parcial e de duración determinada.
Colaboración na optimización dos recursos tecnolóxicos da Federación
A Deputación da Coruña tamén destinou o pasado ano 2.407,35€ ao proxecto de mellora e optimización dos recursos tecnolóxicos destinados á dinamización das actividades de Down Galicia e as súas entidades membro. Con esta achega puideron renovarse varios equipos informáticos, así como mellorar o sistema de acceso ao servidor da Federación.
Deste xeito, acometeuse a necesaria actualización dalgúns postos de traballo para facilitar o proceso de procura, procesamento e adaptación da información que se utiliza nas diferentes áreas. Tamén se levou a cabo a instalación e a posta en marcha do Servidor Terminal Server da Federación para permitir ás entidades do resto da provincia o uso dos distintos servizos informáticos de Down Galicia.
Entradas relacionadas
