Coñeces a forma máis rápida e sinxela de colaborar con Down Galicia?
Trátase de Wapsi.org e de Helpfreely.org, dúas plataformas mediante as que, ademais de facer as túas compras online, poderás destinar unha porcentaxe das mesmas á ONG que ti elixas entre as que se atopan dadas de alta nos seus servizos.
O funcionamento é moi sinxelo. Estas dúas plataformas teñen acordos asinados con moitas empresas, que son as que destinan parte das compras ás ONG que o comprador escolla. É dicir,
- Ti compras ó prezo de sempre na túa tenda habitual.
- Wapsi.org ou Helpfreely.org reciben unha porcentaxe da túa venda.
- E estas plataformas destinan unha parte desa porcentaxe á ONG que ti escollas.
Poñamos un exemplo: quero mercar un libro. Como teño que facer?
- Entro en Helpfreely.org ou en Wapsi.org
- Busco a tenda na que quero comprar (Fnac), comprobo se está entre as empresas coas que estas plataformas teñen acordo e selecciónoa
- Selecciono a ONG á que irá destinada parte da miña compra (Down Galicia) e…
- A propia plataforma xa me redirecciona á páxina oficial de Fnac. Alí xa fago a miña compra da forma habitual.
Non hai que pagar máis. Son as empresas as que doan parte do seu beneficio para cumprir coas súas políticas de Responsabilidade Social Corporativa.
Invitámosvos a comprobar a multitude de empresas adheridas a estas plataformas: Booking, Vueling, AliExpress, Zooplus, Rentalcars, eDreams, Just Eat, Telepizza, Decathlon, El Corte Inglés, La Casa del Libro, Shein, Sarenza, etc.
E así ata máis de 300 tendas online de alimentación, mascotas, bebés, hoteis, electrónica, automóbil, deportes, fotografía, xoguetes, etc.
Entre todas podemos colaborar con Down Galicia sen que nos custe nada.
Grazas!!
