Down Coruña inaugura “El Quiosco de Down Experience” na Praza de Ourense da cidade herculina
A Deputación de Pontevedra publicou a pasada semana o listado definitivo de persoas admitidas no proceso selectivo dunha praza de ordenanza reservada a persoas con discapacidade intelectual, na que figuran 26 persoas usuarias de Down Pontevedra Xuntos e de Down Vigo.
O seguinte paso para todas elas será a realización da primeira proba, que terá lugar o vindeiro martes 22 de decembro no IFEVI de Vigo. O certo é que ao pasar tan pouco tempo entre a publicación do listado e a data deste exame, moitas das persoas usuarias das entidades Down admitidas no proceso non se presentarán ao mesmo por falta de tempo para a súa preparación.
Desde o movemento Down continuamos celebrando a convocatoria destes procesos selectivos e instamos, neste caso, á Deputación de Pontevedra a que aproveite a experiencia e a predisposición das entidades Down de Galicia para a elaboración das bases dos mesmos, así como para todo aquilo que precisen.
Este proceso selectivo pertence á convocatoria de prazas vacantes no cadro de persoal funcionario da Deputación de Pontevedra, incluídas na OEP do ano 2018.
Entradas relacionadas
