Down Lugo é unha das entidades participantes na convocatoria As Termas Suma do Centro Comercial As Termas e necesita a nosa colaboración para poder conseguir os 2.000€ cos que está dotada a axuda.
O proxecto presentado céntrase na adquisición de material para a aula de estimulación multisensorial da asociación, que axudará ás persoas coa síndrome de Down e outras discapacidades intelectuais usuarias da entidade a mellorar a súa calidade de vida e a súa comunicación coa contorna a través de estímulos aos que non terían acceso doutro xeito.
Se queres apoiar o proxecto de Down Lugo, podes facelo ata o próximo 25 de maio votando na seguinte ligazón: www.bit.ly/downlugo
Lembra validar o voto no teu correo electrónico e difundir entre todos os teus contactos.
O Centro Comercial As Termas pon en marcha esta iniciativa para apoiar proxectos que acheguen valor á provincia lucense, mellorando así a súa contorna e axudando a quen máis o necesita.