Down Ourense participará nos próximos días no XV Congreso Internacional de Galicia e Norte de Portugal de formación para o traballo. Estas xornadas xirarán en torno á formación, á orientación e ó emprego, factores considerados determinantes na vulnerabilidade social. Silvia Álvarez Fernández, responsable da área de emprego de Down Ourense, intervirá o vindeiro venres 27 de setembro na mesa redonda “Os novos sinais da vulnerabilidade: necesidades e respostas formativas e orientadoras”. A súa intervención versará sobre a formación e a orientación laboral para persoas coa síndrome de Down e/ou discapacidade intelectual. O mencionado congreso terá lugar no centro cultural Marcos Valcárcel de Ourense os días 26, 27 e 28 de setembro.
