Fundación Ibercaja colabora co programa Emprego Con Apoio para a inserción laboral das personas coa síndrome de Down
A Deputación de Ourense achega 4.000 euros ó proxecto “Unha escola para tod@s: inclusión educativa de alumnos coa síndrome de Down e discapacidade intelectual”, que desenvolve Down Galicia a través das súas entidades membro. Este proxecto beneficia directamente a un total de 18 alumnos e alumnas coa síndrome de Down e ten por misión promover e facilitar a inclusión escolar do alumnado con discapacidade intelectual nos centros educativos, potenciando ó máximo o seu desenvolvemento cognitivo, social e persoal de forma que se contribúa a consolidar os coñecementos, habilidades e destrezas que favorecen a súa plena integración. O obxectivo principal deste proxecto é crear unha comunidade educativa que acolla as diferenzas e as utilice como fonte de riqueza e elementos do currículo, na que cada persoa sexa un membro importante, respectado e valioso. Empregouse para tal fin unha metodoloxía baseada na aprendizaxe cooperativa, mediante a que se potencia a creación dun sistema de axuda mutua entre compañeiras e compañeiros, para favorecer a compensación entre as habilidades e necesidades de cada alumno. Paralelamente, realizáronse sesións de reforzo educativo na entidade Down, combinando sesións individuais e en grupo, e promoveuse o uso de dispositivos audiovisuais e interactivos, que xeran maior recepción e interese por parte do alumnado coa síndrome de Down e mellora notablemente o seu proceso de ensinanza e aprendizaxe. 
Entradas relacionadas
