Down Vigo asinou esta semana sendos convenios de colaboración co Grupo Clece, para que persoas coa síndrome de Down e outras discapacidades intelectuais fagan prácticas laborais nas súas filiais CLECE VITAM e SAMAÍN, adicadas á xestión de residencias privadas de maiores en España; e á limpeza de centros comerciais e grandes superficies, respectivamente.
O convenio asinouse nun acto ao que asistiron José Manuel García Orois, Presidente de Down Vigo, e Laura Cantero Poncio, Delegada Social de Clece. Ambas entidades amplían así o seu compromiso de colaboración, despois das dúas contratacións do pasado verán.
A finalidade deste convenio de colaboración é facilitar a realización de prácticas laborais das persoas que asisten ao servizo de Emprego da entidade. O emprego con apoio ten por obxecto promover a inserción das persoas coa síndrome de Down e outras discapacidades intelectuais no mundo laboral.
