Down Pontevedra Xuntos pecha o ano coa contratación de catro das súas persoas usuarias
Maio foi un mes realmente frutífero en canto a colaboracións se refire e é que dúas das asociacións que forman parte da Federación Down Galicia selaron senllos acordos de colaboración durante este período.
Por unha banda, Down Coruña asinou un convenio coa Fundación Nortempo, que ten como obxectivo aumentar a empregabilidade das persoas participantes do programa de emprego da asociación.
Froito desta colaboración, as persoas usuarias da entidade xa puideron adquirir novas habilidades nunha xornada de traballo na que profesionais da Fundación Nortempo falaron sobre a preparación de persoas candidatas nos procesos de selección das distintas empresas.
Nestas sesións non só se traballou a entrevista laboral, un dos principais pasos que soen ter os procesos selectivos, senón que se repasaron outros aspectos de orientación laboral como o currículo ou a propia procura de ofertas de traballo.
Estes contidos xeraron un interese alto nos usuarios e usuarias do programa de emprego de Down Coruña, que adquiriron de primeira man experiencias e coñecementos sobre os procesos de selección de persoal.
Doutra banda, Down Pontevedra Xuntos asinou esta semana un convenio de colaboración con Centro Auditivo, unha empresa centrada na mellora da saúde auditiva.
Grazas a este acordo, as persoas socias da entidade e as súas familias terán descontos nos servizos ofrecidos por este centro.
Entradas relacionadas
